Handa na, nga ba?

Gaano pa katagal ang paghihintay?

Minsan, ako’y nakatingin sa kawalan.

Malayo, pero malabo na rin nga ba?

Malabo na ba ang tayo?

Malabo na ba ang habang-buhay kasama ka?

Ikaw ang laman ng panalangin

Sa bawat pagkakataon pikit matang nakatingala

Langhap ang simoy ng hangin sa kislap ng mga tala

Parating ka na ba?

O baka mas tamang tanungin, Handa ka na ba?

Sa habang buhay na ating pagsasaluhan

Sa bawat luha at saya na iyong matutunghayan

Sa aking kalakasan at sa kahinaan

Mahal ko, handa na ako.

Handa na ako sa pagdating mo

Ang puso ko ay nasasabik sa kung ano nga ba ang iyong mukha

Ang aking ngiti ay abot langit na sa sagot sa panalangin kong parating na

Mahal ko, panalangin ko ding ika’y maging handa na.

Ngunit kung ang sagot Niya na

unang nagmahal sa akin ay hindi muna

Handa parin akong hintayin ka

Hanggat Siya na ang nagtakda ng pagkakataon, oras at panahon

Na tayong dalawa’y magkita na.